中國大陸經常將外國電影既戲名譯到相當好笑，有部份直頭要用 '過份' 黎形容。
雖然當中好多都聽過好多次，但我真係睇 100 次就笑足99 次。
英文名 : ANTZ 香港譯名: 蟻哥正傳
大陸譯名: 無產階級貧下中農螞蟻革命史 (完全睇唔出同 '無產階級' '貧下中農' 有乜關係，同埋點解大陸成日鍾意咩都跟革命扯上關係?)
英文名 : The Lord Of The Rings : The Two Towers香港譯名 : 魔戒二部曲: 雙城奇謀
大陸譯名 : 指環王2:兩座塔 (金塔定屎塔? )
英文名 : 007 Die Another Day香港譯名: 新鐵金剛之不日殺機
大陸譯名: 新鐵金剛之擇日再死 (死都要擇日?駛唔駛搵蘇民峰算一算?)
英文名: Catch Me If You Can香港譯名 : 捉智雙雄
大陸譯名 : 來找我啊，如果你可以 (擺明直譯無經過思考)
英文名: Pretty Woman香港譯名: 風月俏佳人
大陸譯名: 漂亮女人 (咁你又吹佢唔漲，因為照字面真係咁解)
英文名: Indecent Proposal香港譯名: 不道德的交易
大陸譯名: 不道德的建設 (起雞竇呀而家......? 睇過套戲既人都知唔關建設事....九唔搭八!!!)
英文名: The Passion Of Christ香港譯名: 受難曲
大陸譯名: 耶穌的激情 (老實講我覺得似鹹片名，唔知教廷知道呢個名後有咩反應?)
英文名: Finding Nemo香港譯名: 海底奇兵
大陸譯名: 海底都是魚 (咁又未必, 仲有珊瑚、水母、海參、鯨魚...)
英文名: Top Gun香港譯名: 壯志凌雲
大陸譯名: 好大的一支槍 (聽到個刻係想死...我覺得似係葡京鹹片的低能對白。)
英文名 :The Day After Tomorrow香港譯名: 明日之後
大陸譯名:後天 (真係.....明日之後個日即係後日，合乎邏輯, Well Done!!!)
英文名 : Aliens香港譯名: 異形續集
大陸譯名: 珍奇異獸之風華再現 (你睇到呢名仲以為動物園PROMOTION.....)
Sent by QNH